कच्च्या पपई पासून करा टूटी फ्रूटीचा व्यवसाय; अन कमवा लाखोंचा नफा

Smiley face 2 min

टीम ई ग्राम – जगासह भारतात कोरोनाने थैमान घातले आहे. भारताता कोरोनाला रोखण्यासाठी लॉकडऊन करण्यात आला. या लॉकडाऊनमुळे शहरात नोकरासाठी आलेले तरूणांना पुन्हा गावाला जावे लागले. लॉकडाऊनमुळे बरेच छोटे मोठे उद्योग बंद पडल्यामुळे अनेकांचा रोजगारही गेला. शहरातून गावाकडे गेलेले बरेच तरूण सध्या नोकरी नसल्यामुळे शेती करत आहेत. तर अनेकांना स्वत:चा व्यवसाय सुरु करायचा आहे. पण आताच्या कोरोनाच्या संकटात कोणता व्यवसाय करावा हे त्यांना कळत नाही. कोणता व्यवसाय करायचा याचे बहुतेक वेळा चुकीचा व्यवसाय करतात आणि नुकसान करून बसतात. परंतू जर तुमच्याकडे शेती असेल तर तुम्ही कच्च्या पपईवर प्रक्रिया करून त्यापासून टूटी फ्रुटी बनविण्याचा व्यवसाय करू शकता. हा एक चांगला लघु उद्योग आताच्या काळात तुम्ही करू शकता. कमीत कमी गुंतवणूकीत चांगला नफा मिळवून देणारा हा व्यवसाय आहे.

टूटी फ्रुटी म्हणजे काय –

कच्च्या पपईवर प्रक्रिया करून टूटी फ्रुटी बनवली जाते. यामध्ये प्रामुख्याने पपईच्या तुकड्यावर साखर आणि कृत्रिम रंगाची प्रक्रिया केली जाते.

टूटी फ्रूटीचा वापर कशात केला जातो –

मसाला पान, मुखवास, आईस्क्रीम, बेकरी उत्पादने इत्यादींमध्ये टूटी फ्रूटीचा वापर मोठ्या प्रमाणात केला जातो.

बाजार पेठेतील मागणी –

जर आपण आपल्या आजूबाजूच्या पान शॉपचा जरी विचार केला तरी आपल्याला टूटी फ्रूटीच्या वापराबाबत कल्पना येईल. आईस्क्रीम उद्योग, बेकरी उद्योग अशा सगळ्या उद्योगांमध्ये टूटी फ्रूटीचा वापर मोठ्या प्रमाणात केला जातो. वर उल्लेख केलेल्या सगळ्या उत्पादनांची मागणी ही दिवसेंदिवस वाढत जाणारी आहे. त्यामुळे पर्यायाने टूटी फ्रूटीचा वापर आणि मागणी यांच्यात प्रचंड प्रमाणात वाढ होणार आहे.

टूटी फ्रूटी बनवण्यासाठी लागणारा कच्चा माल

  • कच्ची पपई
  • साखर
  • कृत्रिम रंग
  • सायट्रिक अ‌ॅसिड
  • मीठ आणि पॅकिंगसाठी लागणाऱ्या प्लास्टिक पिशव्या
  • टूटी फ्रुटी बनवण्यासाठी लागणारी यंत्र सामग्री
  • साल काढण्यासाठी लागणारे यंत्र
  • पपईचे लहान तुकडे करण्यासाठी लागणारी क्युबिंग मशीन
  • ५० लिटर क्षमतेचा बॉयलर
  • कॅटल (शिजवण्याची यंत्र)
  • ड्रायर (वाळवणी यंत्र)
  • वजन काटा
  • पॅकिंग मशीन

प्रक्रिया पद्धत

टूटी फ्रूटी तयार करण्यासाठी ताइवान ७८६ या जातीची कच्ची पपई वापरतात. टूटी फ्रुटी तयार करताना अगोदर कच्च्या पपईची साल काढून लागते. त्यानंतर पपईचे तुकडे करून ते १८ टक्के मिठाच्या द्रावणात २१ दिवस भिजत ठेवले जातात. त्यानंतर तुकडे बाहेर काढून ते स्वच्छ पाण्याने धुऊन घेवून त्याचे क्युबिंग मशीनद्वारे लहान तुकडे करतात. या प्रक्रियेनंतर पपईचे तुकडे कॅटल मशीनमध्ये वाफेच्या सहाय्याने शिजवले जातात. शिजवून घेतलेले पपईचे तुकडे ३० टक्के साखरेच्या आणि तीन टक्के सायट्रिक अ‌ॅसिडच्या पाण्यात २४ तास ठेवले जातात. पपईचे तुकडे साखरेच्या पाण्यातून बाहेर काढून पुन्हा कॅटल मशीनमध्ये शिजवले जातात. त्यामध्ये कृत्रिम रंगाचा वापर केला जातो. त्यानंतर ते वाळवणे यंत्राद्वारे वाळवून उत्तमरीत्या पॅकिंग केले जातात.

यंत्र सामग्रीसाठी लागणारा खर्च –

युनिट उभारण्यासाठी तर स्वतःची जागा असेल तर उत्तम. अथवा ज्या-त्या परिसरानुसार किंमतीने जागा भाड्याने किंवा विकत घ्यावी लागते.
पीलिंग मशीन( साल काढणी यंत्र) – १ लाख रुपये
क्युबिंग मशीन( लहान तुकडे करणारे यंत्र) – १ लाख १० हजार रुपये
स्वयंचलित बॉयलर – २ लाख २५ हजार रुपये
वाळवणी यंत्र – ६०००० रुपये
वजन काटा आणि पॅकिंग मशीन – २० हजार रुपये

दरम्यान, राष्ट्रीय फलोत्पादन योजनेअंतर्गत प्रक्रिया उद्योगासाठी ५० टक्के अनुदान उपलब्ध आहे. हा प्रक्रिया उद्योग व्यवस्थित नियोजन करून आणि तंत्रज्ञानाचा व्यवस्थित अभ्यास करून केला तर भविष्यात शेतकऱ्यांसाठी फायद्याचा उद्योग होऊ शकतो. शेतकऱ्यांनी अजून या उद्योगाविषयी सखोल माहिती घेऊन आपल्या स्वतःचा उद्योग चालू करण्याच्या दिशेने पाऊल टाकावे.

आजच ई-ग्राम ॲप्लिकेशन प्ले- स्टोअर वरून डाउनलोड करा, डाउनलोड करण्यासाठी क्लिक करा. Download App